Мурињо не е среќен во Турција - сака да се врати во Премиерлигата!

09 ноември 2024 - 10:18

Португалскиот тренер Жозе Мурињо има договор со Фенербахче, но не е задоволен во Турција и отворено го критикуваше шампионатот, но и судиите поради што доби суспензија.

Англиските медиуми пишуваат дека Мурињо сака да ја напушти Турција, а како негов следен клуб се споменува Њукасл.

Њукасл беше во серија од пет натпревари без победа во Премиерлигата, поради што се зголеми притисокот врз тренерот Еди Хау.

Хау наводно не е во добри односи ниту со спортскиот директор на клубот, а тоа сака да го искористи Мурињо кој веќе договорил враќање во Англија доколку наскоро биде отпуштен актуелниот тренер на Њукасл.