Милан потврди: Мењо ќе биде надвор од терените долго време
Французинот го очекува долга пауза и ќе биде надвор од терените околу два месеци, потврди Милан. Тој шест недели ќе мора да мирува, а потоа да почне со тренинзи.
Ова е сериозен удар за шампионските амбиции на „росонерите“, кои имаат одличен старт на сезоната, а еден од клучните играчи секако беше Мењо. Голманот импресионираше во овие неколку натпревари во Серија А и во Лигата на шампионите и се покажа како доследен наследник на Џанлуиџи Донарума.
Чипријан Татарушану се очекува да биде прв голман на Милан додека Мењо не се рехабилитира целосно. Клубот денеска го ангажираше и Антонио Миранте на голманската позиција, бидејќи Милан остана и без третиот голман Алесандро Плицари, кој исто така имаше тешка повреда и ќе биде долго надвор од терените.