Менаџерска „сеча“ во Премиер лигата каква не е видена 80 години

Според анализата на Опта, толкав број нови тренери на стартот на една сезона во англискиот фудбал е забележан само уште двапати во историјата – во сезоните 1888/89 и 1946/47.

Првата од овие сезони е историска бидејќи станува збор за првата сезона во историјата на англиското првенство, додека сезоната 1946/47 беше првата по завршувањето на Втората светска војна. Тоа значи дека Премиер лигата во пресрет на сезоната 2026/27 се соочува со исклучително голема тренерска реконструкција, нешто што досега се случувало само во два исклучителни моменти од историјата на англискиот фудбал. Воедно, ова е првпат откако елитната дивизија во Англија се вика Премиер лига да има толкав број менаџерски промени.

Тренерската нестабилност е уште поинтересна ако се знае дека во девет клубови доаѓаат нови стручњаци кои ќе имаат задача веднаш да воспостават свој систем, филозофија и начин на работа. Промените на клупите се дел од поширокиот тренд во Премиер лигата, каде што клубовите сè почесто носат одлуки за промена на тренерите во потрага по подобри резултати и исполнување на амбициите.

Во исто време, англиската елита продолжува да станува сè поинтернационална и кога станува збор за тренерскиот кадар. Само тројца англиски стручњаци ќе ја започнат новата сезона како први тренери на премиерлигашите: Френк Лампард, Гери Онил и Мајкл Керик.