Мартинез со два гола го спаси Интер од срам (ВИДЕО)

28 јануари 2023 - 20:00

Поранешниот италијански шампион Интер се измачи на гостувањето кај Кремонезе, но аргентинскиот напаѓач Лаутаро Мартинез со два гола ја обезбеди победата од 2-1.

Кремонезе постигна гол за водство во 11. минута преку Окереке, по што „нераѕурите“ ја преземаа доминацијата на теренот, а Мартинез во 21. минута погоди за 1-1.

Домаќините успешно се бранеа до 65. минута, кога Мартинез го постигна вториот гол на натпреварот за целосен пресврт и нова победа за Интер.

Интер во моментов има 40 бодови, односно 10 помалку од лидерот Наполи, како и два повеќе од Милан.