Марсеј се посрамоти на „Велодром“, Оксер го шокира фаворитот!

08 ноември 2024 - 22:49

Фудбалерите на Оксер триумфираа со 3-1 против Марсеј на „Велодром“ во рамки на 11. коло од француската Лига 1.

Синајоко прв ја затресе мрежата на Марсеј во 10. минута, а потоа следеа два погодоци во завршницата на првиот дел преку Перин и Траоре.

Марсеј направи три измени на почетокот на второто полувреме со цел да се извлече од дебакл, а потоа Гринвуд во 65. минута намали на 1-3, по што резултатот не се менуваше до крајот на натпреварот.

Оксер со оваа победа скокна до шестата позиција и има 16 бодови, додека Марсеј остана на второ место со 20 поени.