„Марка“: Бензема не си оди од Реал Мадрид!

01 јуни 2023 - 22:15

Иако се најавуваше дека само прашање на момент е кога ќе експлодира нова трансфер бомба во Саудиска Арабија откако Карим Бензема, суперѕвездата на Реал Мадрид добил понуда од 400 милиони евра, сепак Французинот не сака да си оди од Реал Мадрид летово.

Ова вечерва го објави угледната „Марка“ повикувајќи се на информации од таборот на Французинот, кој наводно им се заблагодарил на Саудијците за понудата и бил многу благодарен што тие покажале толку голем интерес за да го ангажираат.

Бензема сакал да остане во Реал Мадрид и не бил подготвен да си замине од „Сантјаго Бернабеу“, зашто верува дека може да има уште една извонредна сезона, па ако сето ова е точно веројатно новата сезона 2023/24 ќе биде негова последна и идното лето можно е да се пресели на арапскиот полуостров.

Бензема е дел од Реал Мадрид веќе 14 години откако дојде во овој гигант во 2009 година.