Мајтап на векот: Навивач на Евертон мајсторски ги насамари фановите на Ливерпул (ВИДЕО)

Според објава на Твитер, навивачот купил 10.000 сини факели и потрошил четири недели внимателно да ги префарба етикетите во црвена боја за на лутите ривали да им изгледаат како „прикладни“ за Ливерпул. Потоа ги продал токму на навивачите на градскиот противник за синоќешниот натпревар на кој ја прославија титулата, без тие да забележат што навистина купуваат.

Кулминацијата на шегата се случи за време на интонирањето на химната „You’ll Never Walk Alone“, кога стотици црвени фанови гордо ги запалија факелите – кои наместо црвена, пуштаа густа сина боја, боејќи ја трибината во боите на нивниот градски ривал, Евертон.

Видеата експресно се проширија на интернет, предизвикувајќи лавина од реакции, потсмев и честитки за креативноста на навивачот на Евертон.