Ливерпул победи во трката за еден од најперспективните дефанзивци во Европа

Шампионот на Англија ќе плати 55 милиони фунти за 20-годишниот Французин, плус потенцијални 5 милиони фунти бонуси поврзани со перформансите. Жаке денеска ќе ги помине медицинските прегледи, но нема да се приклучи на тимот на Арне Слот сега и покрај проблемите со одбраната на „црвените“, бидејќи е договорено да се пресели на Енфилд на крајот од сезоната.

Челси исто така беше заинтересиран за потписот на Жаке, „сините“ дадоа слична понуда, но во последните 48 часа, Жаке се предомисли и се одлучи за Ливерпул.

Жаке, младински репрезентативец на Франција, е производ на академијата на Рен и има 18 настапи за првиот тим оваа сезона. Ливерпул ќе има на располагање двајца многу перспективни централни бекови ова лето, Жаке и 19-годишниот Џовани Леони, кој сè уште заздравува од сериозната повреда на коленото што ја заработи на почетокот на сезоната.