Ливерпул ќе плати 80 милиони евра за наследникот на Ван Дајк

31 декември 2024 - 15:11

Вирџил Ван Дајк е пред потпис на нов договор со Ливерпул, но гигантот од „Енфилд“ сака со уште еден фудбалер да ја засили одбраната и подготвен е да плати 80 милиони евра.

Ливерпул во јануари ќе се обиде да го договори 24-годишниот дефанзивец од Кристал Палас, Марк Гуехи, кој е расположен за преселба во поранешниот англиски и европски шампион.

Англиските медиуми пишуваат дека 24-годишниот фудбалер треба да биде наследник на Ван Дајк, кој претходно кажа дека сака да остане во Ливерпул уште неколку години.

„Црвените“ во моментов се на првото место во Премиерлигата со 45 бодови, односно осум повеќе од Нотингем Форест.