Левандовски од пенал го реши Рајо: Барселона е нов лидер во Ла Лига (ВИДЕО)

17 февруари 2025 - 23:00

Фудбалерите на Барселона триумфираа со 1-0 против Рајо Валјекано во 24. коло од шпанската Ла Лига, со што го преземаа првото место на табелата.

Барселона стигна до водство во 28. минута од натпреварот, кога Роберт Левандовски беше прецизен од пенал и го матира голманот на Рајо Валјекано.

Гостинскиот состав имаше неколку добри шанси до крајот на првите 45 минути, меѓутоа не ги искористи.

Второто полувреме повторно понуди возбудувања, а Рајо имаше огромна шанса во завршницата за израмнување, меѓутоа истата не беше реализирана од гостите.

Барселона е лидер со 51 бод и подобра гол-разлика од Реал Мадрид, по што следи Атлетико Мадрид на третото место со 50 поени.