Ла Лига жестоко ги нападна „кралевите“: Реал Мадрид е клуб на плачковци!

Во интервју за шпанскиот весник „АС“, тој истакна дека „кралскиот клуб“ постојано се жали, создавајќи теории на заговор и ширејќи „лажни приказни“ преку сопствената телевизија.

„Тоа е клуб кој плаче цел ден – плачеа минатиот викенд, ќе плачат и следниот. Сето тоа е дел од голема завера во нивните глави“, изјави Тебас, реагирајќи на последната низа поплаки што Реал ги упати до Фудбалската федерација на Шпанија.

Првиот човек на Ла Лига го критикуваше и претседателот на Реал Мадрид, Флорентино Перез, обвинувајќи го дека стои зад злоупотребата на ВАР системот во последните недели.

„ВАР се користи претерано и тоа не е случајно. Ако ги прашате другите клубови, ќе ви кажат дека најмногу профитираат Реал и Барселона, само што тие немаат своја телевизија за да шират вакви наративи“, додаде тој.

Тебас не застана само со критики за судењето. Тој го нападна и моделот на управување на Перез, велејќи дека „Флорентино застапува фудбал само за богатите и сака да одлучува за сè – па дури и за распределбата на парите“. Според Тебас, слепото следење на Перез во Реал е проблематично.

„Некои во клубот прават грешка обожувајќи сè што ќе направи. Реал Мадрид треба да има независно мислење“, заврши Тебас.