Кулибали не сака да оди во Јувентус и да го разочара Неапол - како Игуаин

07 јули 2022 - 10:36

Калиду Кулибали има уште една година од актуелниот договор со Наполи и се чини дека летово ќе си замине од клубот, бидејќи сака нов предизвик во кариерата. 

Иако Јувентус силно притиска за Сенегалецот, тој не е заинтересиран да замине во Торино кај лутиот ривал. Дефанзивецот не сака да ги разочара навивачите, како што тоа го направи Гонзало Игуаин пред неколку сезони. 

Приоритет на Кулибали би било заминување во Барселона или во Челси. Овие два клуба покажуваат интерес за стоперот, но засега нема конкретна понуда. Јувентус во Кулибали гледа идеална замена за Матијс де Лихт, кој е на излезни врати и преговара со Баерн Минхен.