Крај на сезоната за уште еден играч на Арсенал

19 февруари 2025 - 10:00

Микел Артета не може глава да крене од проблеми со повредени фудбалери, врз дефанзивецот Такеиро Томијасу беше извршена операција по која се чини дека ќе го пропушти остатокот од сезоната.

Врз Томијасу е извршена операција на неговото десно колено, а англиските медиуми пишуваат дека тоа значи и крај на сезоната за него.

Тој е веќе третиот фудбалер на Арсенал за кого сезоната е завршена, претходно тоа им се случи на Габриел Жесус и Каи Хаверц.

„Пред неколку дена го оперирав коленото и веќе почнав со рехабилитација за повторно да го правам тоа што најмногу го сакам. Ова сигурно е најтешкиот период во мојата кариера и ќе продолжи уште кратко, но нема да се предадам“, напиша 26-годишниот Томијасу на инстаграм.