Јувентус и Болоња ремизираа - борбата за ЛШ ќе биде пеколна!

04 мај 2025 - 22:44

Фудбалерите на Јувентус и Болоња ремизираа (1-1) во 35. коло од италијанската Серија А, па со тоа дополнително се искомплицира борбата за позициите кои водат во Лигата на шампиони (ЛШ).

Јувентус прв зададе удар во Болоња, откако Турам ја затресе мрежата на домаќинот во деветтата минута од натпреварот. „Старата дама“ погоди и по вторпат, и тоа во 51. минута, но голот беше поништен поради офсајд.

Болоња возврати преку Фројлер во 54. минута кога израмни на 1-1, по што немаше многу шанси до крајот на мечот и двете екипи си поделија по еден бод.

„Старата дама“ се наоѓа на четвртата позиција со 63 бодови, колку што имаат Рома и Лацио, додека Болоња е на седмото место со 62 поени.

Фото: Facebook/Juventus