Јунајтед го откачи Наполи: Зиркзе не е на продажба

18 август 2025 - 21:35

Шампионот на Италија, Наполи е во потрага по напаѓач откако се повреди Ромелу Лукаку, а една од варијантите е холандскиот репрезентативец Џошуа Зизрке.

Белгиецот ќе паузира најмалку три месеци, а можно е да не заигра до крајот на годината, па Наполи мора да бара фудбалер кој ќе го замени. Зиркзе, сепак, не е во комбинација бидејќи Манчестер Јунајтед не го пушта.

Многу веројатно Наполи ќе мора да се сврте кон другите опции, можеби и кон клупскиот колега на Зиркзе, Расмус Хојлунд.