Јунајтед договори Парагваец за левата бековска позиција

13 јануари 2025 - 09:50

Неколку часа по триумфот против Арсенал во ФА Купот, менаџментот на Манчестер Јунајтед заврши голема работа на трансфер пазарот.

Клубот од Олд Трафорд го договори првото засилување за идната сезона, а тоа е парагвајскиот лев бек Диего Леон. Останува уште да ги помине лекарските прегледи по што од јуни ќе стане играч на Манчестер Јунајтед.

Леон има само 17 години и тоа е причината што нема веднаш да се приклучи на премиерлигашот. Неговиот досегашен клуб Серо Портено за трансферот ќе добие 4 милиони долари, плус 1 милион во бонуси.