Инзаги го отпиша Митровиќ: Србинот се враќа во Европа!?

03 јули 2025 - 15:36

Италијанскиот тренер Симоне Инзаги неодамна потпиша за Ал-Хилал, па веднаш реши да направи одредени промени во тимот и да избрка дел од фудбалерите, меѓу кои е и српскиот голгетер Александар Митровиќ.

Митровиќ досега одигра 79 натпревари во Саудиска Арабија и постигна 68 голови и 15 асистенции, а неодамна се поврзуваше со враќање во Европа, односно за неговите услуги беа заинтересирани неколку англиски и шпански екипи.

По последниот потег на Инзаги дефинитивно ќе се зголеми интересот за Митровиќ, но сè уште не е познато каде ќе ја продолжи кариерата.