Хаос во Бреша: Ултрасите го прекинаа баражот, па се испотепаа со полицијата (ВИДЕО)

01 јуни 2023 - 23:52

Поранешниот италијански калчолигаш бреша после 38 години ќе игра во третолигашка конкуренција (Серија Ц) откако денеска испадна во баражот со ремито 1-1 против Козенца, меч кој официјално не го дочека крајот на мечот.

Ултрасите на Бреша со пиротехника и десетици факли во судиското надополнување, безмалку секунди пред судијата да означи крај, го прекинаа мечот. Арбитарот не се ни двоумеше да свирне крај откако после факлите, во теренот влетаа и хулиганите.

И тоа беше момент да се означи комплетниот хаос, на теренот, а потоа да се прелее насилството и пред стадионот. Ултрасите влегоа во жестока тепачка, а според информациите на италијанските медиуми има и запалени автомобили пред стадионот.

Козенца победи со вкупни 2-1 откако го искористи домашниот терен за триумфот со 1-0 и таа победа се покажа како клучна во овој бараж за опстанок во Серија Б.