Галатасарај го победи Тотнем во спектакуларен меч, само реми за Рома против Унион (ВИДЕО)

07 ноември 2024 - 20:45

Галатасарај и Тотнем одиграа супер меч со пет гола во Лига Европа, турскиот тим победи со 3-2, Рома одигра само 1-1 на гостувањето кај Ројал Унион.

Галата поведе уште во шестата минута од натпреварот кога Акгун постигна гол за 1-0, во 18. минута Тотнем изедначи преку Ланкшир.

Следуваше шоу на Мертенс и Осимен, белгиецот двапати асистираше, а нигерискиот напаѓач даде два гола за водство на Галатасарај од 3-1.

Тотнем се врати во живот во 69. минута со гол на Соланке, но не успеа да постигне уште еден погодок за да се спаси од пораз.

Рома поведе со 1-0 во 62. минута во Белгија на гостувањето кај Ројал Унион, но домаќините изедначи преку Мекалистер 15 минути подоцна.

Ајнтрахт со 1-0 ја совлада Славија Прага, Атлетик Билбао со 2-1 славеше гостинска победа кај Лудогорец, Олимпијакос и Ренџерс одиграа 1-1.

Нерешено заврши и мечот меѓу Ница и Твенте но со повеќе голови, беше 2-2, Стеауа со 2-0 го победи Митјиланд, Елфсборг и Брага одиграа 1-1, а Карабаг со 2-1 славеше кај Бодо/Глимт.