Флорентино пак го понижи Раул - легендарниот голгетер по вторпат си замина од Реал

Иако се уште нема официјална потврда, извесно е дека италијанскиот стручњак ќе биде заменет од Чаби Алонсо кој претходните две сезони го водеше Баер Леверкузен и со него освои двојна титула во германскиот фудбал и стигна до финалето од Лигата Европа. Шпанските медиуми тврдат дека основна причина поради која Раул не ја добил довербата е тоа што нема искуство во сениорскиот фудбал, но очигледно проработела суетата кај третиот стрелец во историјата на клубот и тој одлучил да си ја бара среќата на друго место. Ова е негово второ заминување од Реал, првото беше во 2010 година кога исто така Флорентино Перез не сакаше да му го продолжи договорот и шпанската легенда беше принудена да замине во Шалке без отштета.

Пред неколку години за Раул беа заинтересирани Севиља и Виљареал, но тој тврдоглаво очекуваше да го наследи Анчелоти. Сега ќе мора по потешкиот пат да влегува во сениорскиот фудбал и да го следи примерот на Цеск Фабрегас кој немаше искуство пред да го преземе Комо и со него да се пласира во Серија А. Проблемот е што Раул наскоро ќе наполни 48 години, една деценија е повозрасен од Фабрегас и нема многу време за да се докажува.