Фернандеш имаше ептен урнебесна реакција кога дозна дека ќе биде капитен на Јунајтед (ВИДЕО)

20 октомври 2020 - 09:43

Само нешто повеќе од два месеци по завршниот турнир од минатото издание од Лигата на шампионите, денеска почнува новата сезона во најквалитетното клупско натпреварување во Европа и тоа со големото дерби помеѓу ПСЖ и Манчестер Јунајтед.

Домаќинот брка реванш за елиминацијата од „ѓаволите“ пред две сезони, додека премиерлигашот сака да покаже дека атмосферата во екипата не е толку лоша, особено по убедливата победа на гости над Њукасл (4-1). Еден од најзаслужните за тоа беше Португалецот Бруно Фернандеш, кој вчера имаше урнебесна реакција на прес-конференцијата на која пред новинарите дозна дека ќе ја добие улогата на капитен.

Изразот на неговото лице е доволен доказ за фактот што воопшто не очекуваше ваков потег од тренерот Оле-Гунар Солшер.