Емотивно соопштение на Милер - по 25 години си оди од Баерн!

Милер на академијата на Баерн Минхен се приклучи во 2000 година, а седум години подоцна почна да игра сениорски фудбал. Единствениот негов клуб досега беа Баварците, во наредната сезона првпат ќе облече друг дрес.

„Јасно е дека денеска е ден кој не е како ниту еден друг ден за мене. Мојот 25-годишен престој како фудбалер на Баерн Минхен ќе заврши ова лето“, рече ТОмас Милер.

„Беше неверојатно патување, обележано со уникатни искуства, одлични средби и незаборавни титули“.

„Чувствувам огромна благодарност и радост што можев да ја остварам оваа кариера во мојот сакан клуб. Посебната врска со клубот, како и онаа со нашите фантастични навивачи ќе остане засекогаш. Она што го посакувам пред да заминам треба да биде јасно, титули кои ќе можеме да ги прославиме заедно“.

„Ќе го дадеме најдоброто од себе во престојните кола за да ја вратиме лига титулата во Минхен и да стигнеме до нашето долго чекано финале од Лигата на шампионите дома. Ајде да го направиме тоа“.

Фото: EPA photo