Емотивни сцени во Мадрид: Транспарент на „Бернабеу“ го расплака Анчелоти (ФОТО)

24 мај 2025 - 16:46

Италијанскиот тренер Карло Анчелоти, како и хрватскиот фудбалер Лука Модриќ наскоро си заминуваат од Реал Мадрид, а навивачите на гигантот се збогуваа со легендите.

На трибините на „Сантијаго Бернабеу“ беа поставени транспаренти за Анчелоти и Модриќ, при што искусниот стратег не можеше да ги запре солзите.

Анчелоти го почна вториот мандат кај „кралевите“ во 2021 година, па така си заминува по четири години, а го тренираше шпанскиот тим и во период од 2013 до 2015 година.

Модриќ, од друга страна, игра за „кралскиот клуб“ од 2012 година кога пристигна од Тотнем, а ќе го напушти тимот од Мадрид по завршување на Светското клупско првенство.