Ѓоковиќ се измачи против Хуркач, но ја освои 100. титула во кариерата!

24 мај 2025 - 18:22

Еден од најдобрите тенисери во историјата, Новак Ѓоковиќ триумфира против Хуберт Хуркач со 2-1 во сетови (5-7, 7-6 и 7-6) во Женева, со што го освои 100. трофеј во неговата кариера.

Ѓоковиќ имаше две брејк-шанси во петтиот гем од првиот сет, но Хуркач успешно се одбрани и го однесе сетот во самата завршница, каде што Србинот го загуби 12. гем за конечни 5-7 за полскиот тенисер.

Вториот сет понуди жестока битка меѓу двајцата тенисери, кои не го губеа својот сервис, па мораше да се решава во тај-брејк каде што Ѓоковиќ заигра многу подобро и славеше со 7-2.

Полјакот направи брејк на сервисот на Ѓоковиќ уште на стартот на третиот сет и ја контролираше играта сè до осмиот гем, кога еден од најдобрите тенисери во историјата возврати и израмни на 4-4.

Ѓоковиќ и Хуркач понудија одличен тенис и во продолжение, по што победникот се решаваше во тај-брејк каде што Србинот славеше со 7-2.

Фото: EPA PHOTO