Една од најсексапилните Италијанки застана во одбрана на Јувентус (ФОТО)

20 септември 2021 - 14:40

Екипата на Јувентус го има најлошиот старт на сезоната во последните шест децении, со само два бода по првите четири кола и без ниту една победа, но тоа не ги разочарува премногу навивачите на овој клуб.

Меѓу нив е и прекрасната Каролина Страмаре, најубавата Италијанка за 2019 година, која важи за огромен вљубеник во „бјанконерите“. Таа е разочарана од лошиот старт, но смета дека нејзините миленици брзо ќе се вратат во посакуваниот ритам.

„Најдобри боксери се тие што знаат да нападнат откако ќе се најдат во нокдаун“, напиша прекрасната Каролина.

Јуве, сепак, има една победа сезонава, но таа беше остварена на стартот од Лигата на шампионите на гостувањето кај Малме.