Еден трансфер на Ливерпул ќе ја промени иднината на аматерски клуб од Ирска

Но, 20% од целата сума ќе добие  клубот каде што Келехер ги направи првите чекори на зелениот терен. 

Келехер потекнува од Рингмахон Рејнџерс, ирски клуб од трета лига. Ирскиот клубски фудбал не е толку развиен како во Шкотска и Англија, па за Рингмахон ова ќе биде огромен приход. Пресметано, тие ќе добијат околу три милиони евра, а доколку се остварат и бонусите од целиот трансфер, клубот може да заработи и повеќе од четири милиони.

За споредба, британските медиуми објавија дека Рингмахон го продал Келехер во Ливерпул за само 15 илјади евра, а преку разни бонуси, вклучувајќи и настапите за ирската репрезентација, клубот од „Енфилд“ заработил уште околу 150 илјади евра. И тоа веќе било голема сума за овој мал ирски клуб, а сега ирските медиуми пишуваат дека оваа продажба ќе го „финансиски обезбеди клубот за следните децении“.

Келехер го напушти Рингмахон како 17-годишник и во Ливерпул пристигна пред десет години. На „Енфилд“ помина голем дел од својата кариера, а последните години се наметна како првата замена за Алисон.Вкупно Келехер на голот на „црвените“ има 67 настапи и 22 настапи за ирската репрезентација.

Фото: Liverpool FC/X