Додека сите се радуваат: Фудбалер на Реал ќе „пукне од мака“ зошто Зидан се врати во клубот!

12 март 2019 - 14:42

Враќањето на Зинедин Зидан на клупата на Реал Мадрид предизвика вистинска еуфорија не само кај навивачите на овој тим, туку и кај најголемиот дел од играчите, меѓу кои, сепак, има еден кој сигурно ќе „пукне од мака“ поради фактот што Французинот повторно е на клупата на „кралевите“.

Станува збор за Дени Себаљос, кој непосредно по заминувањето на Зидан на крајот од минатата сезона изјави дека е пресреќен поради тоа и дека во спротивни тој би го напуштил „Сантјаго Бернабе“. Причина за ова беше малата минутажа кој овој играч за врска ја имал во времето на францускиот тренер.

„Работев напорно и вредно, но Зидан не ми даваше шанса. Дури и кога дадов два гола, на следниот меч играв само една минута. Бевме во голема негатива во Ла Лига и фокусирани само на ЛШ, но јас и тогаш не добивав шанса“, изјави Себаљос минатата година.

Сезонава, тој настапи на 31 меч во сите натпреварувања, а беше дел од тимот кој изминатиов викенд убедливо го освои Ваљадолид.