Дебакл за великанот: Баерн прегазен на „Алијанц“ од Борусија Менхенгладбах (ВИДЕО)

06 октомври 2018 - 20:22

Германскиот великан Баерн Минхен заборави да победува во последните две недели, па денеска доживеа нова шлаканица во Бундеслигата со поразот на „Алијанц Арена“ со 0-2 од Борусија Менхенгладбах.

Баварците под кормилото на Нико Ковач тргнаа фуриозно во сезоната, но од ремито со Аугзбург дома (1-1) сè тргна надолу, па ова е втор пораз во низа во Бундеслигата од четирите вкупно без триумф. Во минатата недела Баерн загуби од Херта со 0-2, а потоа играше само 1-1 со Ајакс во Лигата на шампионите.

Вечерва шокот им беше за шест минути уште незагреани. Не стигна мечот ни до четвртина, а Баерн се најде во негатива од два гола. Прво Алесан Плеа најави сензација со голот во 10-та минута, а Ларс Штриндл до 16-та веќе зголеми на 2-0 за гостите. И кога сè веќе беше решено, во самиот финиш од мечот Патрик Херман во 88-та минута го круниса дебаклот на баварската гордост.

Баерн со поразот остана на 13 бода и сега е петопласиран, а Менхангладбах со триумфот стигна на 14 бода и второ место зад лидерот Борусија Дортмунд со 17 бода.