Да имало ВАР во ЛШ/КШ од 1955 наваму - Милан ќе беше најтрофеен! (ФОТО)

29 март 2023 - 18:25

Технологијата отвори цела нова ера во фудбалот, која ни посочува колку грешки можат да направат судиите, кои се сепак само човечки суштества. Сето тоа ја скокотка фантазијата: како би изгледал поредокот во фудбалот кога, хипотетчки, ВАР би постоел уште рано во 20. век.

Меѓународната федерација на фудбалска историја и статистика (ИФФХС), се обиде да даде одговор на тоа прашање, правејќи нова распределба на титулите во Лигата, односно Купот на шампионите, почнувајќи од 1955 година. Според овој нов поредок, најголемиот губитник е Реал Мадрид, бидејќи од актуелниот 14 титули би загубил дури девет?! Најтрофејниот клуб во Европа би бил Милан со осум шампионски пехари, Барселона би добила две нови и би имала седум, а Ливерпул и Баерн би останале на по шест.

Се разбира, ова значи дека со ВАР би се поправиле некои грешки, кои би влијаеле на резултатот и на конечниот епилог на натпреварите, па поради тоа и победниците и освојувачите би биле различни.