Чави и Гундоган посочија иста слаба точка за поразот од Жирона

11 декември 2023 - 07:34

Барселона синоќа на домашен терен претрпе пораз од Жирона која по ремито на Реал со Бетис се врати на врвот во Ла Лига како осамена на табелата.

Жирона победи со 4-2 на Монжуик, а Чави и Гундоган како причина за поразот ја наведоа слабата одбрана. Нереално е Каталонците да примат четири гола на домашен терен.

„Плативме за грешките кои ги направивме во одбраната. Тие се важни детали“, изјави Чави по мечот.

Истото го кажа и Гундоган кој беше стрелец на вториот погодок за Барса.

„Загубивме поради дефанзивните проблеми. Колективно не се браневме како што очекувавме“, рече Гундоган.