Барселона преживеа во Памплона: Левандовски од пенал ја скрши Осасуна (ВИДЕО)

03 септември 2023 - 23:03

Барселона се измачи на гостувањето во Осасуна, но триумфира со 2-1 за трета победа по ред во шпанската Ла Лига.

До првиот гол се чекаа 46 минути, кога Жил Кунде се постави на вистинско место по еден корнер и со глава ја затресе мрежата на Осасуна.

Осасуна ја врати неизвесноста преку Чими Авила во 76. минута, кој испрати прекрасен удар и го совлада голманот Марк Андре Тер Штеген.

Каталонскиот гигант притисна кон голот на Осасуна во обид да стигне до победа, а Роберт Левандовски од пенал погоди за конечни 2-1.

Барселона има 10 бода на третата позиција на табелата, односно два помалку од лидерот Реал Мадрид.