Барса крева раце од капитенот: Чави го „избриша“ Пике!

13 јуни 2022 - 17:55

Шпанските медиуми денеска пишуваат дека тренерот на Барселона, Чави Ернандез, имал состанок со капитенот Жерар Пике, на кој му соопштил дека не смета на него за следната сезона, барем во за место стартот какво што имаше долги години наназад.

Причина за ваквата одлука се честите повреди на дефанзивецот, но и проблемите што ги има надвор од теренот. Поради лудиот ноќен живот и забавите до раните утрински часови, пред официјален крај е бракот на Пике со пејачката Шакира, а можеби и неговата кариера во Барса.

Пике, според новинарите од Пиринеите, засега не размислува за заминување од „Камп Ноу“, бидејќи сака да му покаже на Чави дека има квалитет да биде стартер и дека може да се носи со било кое засилување кое ќе пристигне. Истовремено, бил подготвен да прифати значително помала плата за да не биде толем товар на клубот.