Барса го купи за 2,5 милиони евра, сега доби понуда за него од Ливерпул за 50 милиони

По неубедливиот почеток на новата сезона, „црвените“ активно работат на привлекување на офанзивни засилувања. Повредите имаа клучно влијание врз трансфер стратегијата на клубот. Александар Исак е надвор од тимот поради скршена нога, додека Хуго Екитике исто така ги пропушти последните неколку натпревари. Дополнителен фактор е отсуството на Мохамед Салах, кој е вклучен со египетската репрезентација на Африканскиот куп на нации, а неговата форма оваа сезона не ги задоволи навивачите и стручниот штаб. Ливерпул веќе направи обид да го привлече Антоан Семењо, но ганскиот интернационалец претпочиташе трансфер во Манчестер Сити, принудувајќи ги „црвените“ да го насочат вниманието кон алтернативни опции.

Според шпанските медиуми, Ливерпул е заинтересиран за уште еден шведски интернационалец и веќе испрати понуда од 50 милиони евра за крилниот напаѓач на Барселона, Руни Барџи. Младиот играч се смета за долгорочна инвестиција и дел од стратегијата за постепено градење на иднината на тимот, која нема да зависи целосно од Салах. Наводно, потенцијалниот трансфер е исклучително привлечен за Барџи, кој се соочува со сериозна конкуренција за место во стартниот состав на Барселона и досега има започнато само три натпревари во Ла Лига, пред се поради тоа што игра на иста позиција како Јамал. И покрај неговите ограничени настапи, неговиот потенцијал не остана незабележан од англиските клубови.

Од финансиска гледна точка, договорот изгледа добро и за „блауграна“, која се уште има сериозни тешкотии. Барселона го потпиша Барџи од Копенхаген за 2,5 милиони евра, а евентуалната продажба би донела значителен профит 25 пати повеќе пари од вложеното.