Баерн Минхен го демолира Франкфурт на стартот на сезоната (ВИДЕО)

05 август 2022 - 22:28

Германскиот шампион Баерн Минхен го прегази Ајнтрахт Франкфурт со 6-1 во првото коло од Бундеслигата, а уште во првото полувреме паднаа пет гола во мрежата на поразениот тим.

Џошуа Кимих во петтата минута ја најави големата победа со гол од слободен удар, по што Бенџамин Павар погоди за 2-0.

Мане потоа го постигна првиот гол во Бундеслигата, односно трет за Баерн на мечот, додека Џамал Мусиала стрелаше за 4-0, а Серж Гнабри за 5-0 во првото полувреме.

Франкфурт во продолжение погоди за 1-5 преку Коло Муани, а конечните 6-1 ги постави Мусиала со неговиот втор гол вечерва.