Азар откри зошто рано одлучи да се повлече од фудбалот

По турбулентниот период во Реал Мадрид каде дојде како мега засилување, а заврши како најголемо разочарување, Азар се пензионираше.

Пред него имаше уште за играње, можеше да остане во Европа, а можеше и да тргне на печалба на истокот или во САД, но Азар одлучи да се повлече.

Белгиецот сега ја објасни својата изненадувачка одлука.

„Го напуштив професионалниот фудбал затоа што едноставно не ми се допаѓаше сè што го опкружува. Сакав да бидам на терен 90 минути, но сè друго, патувањата, бескрајните тренинзи, медиумите, тоа не беше за мене. Денешните тренери работат повеќе од фудбалерите, постојано се пред компјутер со своите асистенти, а тоа не ме привлекува“, изјави Азар.