Анчелоти од следната сезона се враќа во Серија А?

Новинарот на „ДАЗН“, Оразио Акомандо тврди дека Рома сака да го врати Карло Анчелоти во Серија А.

Додека Раниери го води тимот, тој и раководството паралелно работат на пронаоѓање на долгорочно решение за тренерската позиција, а целта е да донесат елитен тренер.

Подобра опција од Анчелоти за Рома нема со оглед на тоа што тој како фудбалер помина осум сезони во римскиот клуб. Таму беше најголемиот дел од својата кариера како играч.

Прашање е само дали амбициите на Рома и Анчелоти ќе се поклопат, римската волчица тешко дека ќе успее да се пласира во Лигата на шампионите за наредната сезона.