Анчелоти не се предава: Ќе се бориме за сите пехари до крај!

08 ноември 2024 - 21:17

Шпанскиот гигант Реал Мадрид нема добар почеток на сезоната, а во изминатиот период доживеа два тешки порази од Барселона и Милан, но и покрај тоа тренерот Карло Анчелоти е оптимист.

Анчелоти кажа дека „кралевите“ нема да се предадат и до крајот на сезоната ќе се борат за сите титули во натпреварувањата во кои настапуваат.

„Запаметете ми ги зборовите, ќе се бориме до крај за да ги освоиме сите титули“, кажа Анчелоти.

Реал Мадрид е втор во Ла Лига со 24 бодови, односно девет помалку од Барселона, додека во Лигата на шампиони се наоѓа на 18. место со шест освоени поени.