Алиоски по долга пауза повторно заигра за Ал Ахли

17 февруари 2025 - 21:55

Македонскиот репрезентативец Езгјан Алиоски конечно заигра за Ал Ахли во азиската Лига на шампиони, каде што неговиот тим славеше со 4-2 против Ал-Гарафа.

Алиоски го одигра првиот официјален меч за Ал Ахли по пауза од дури 538 денови, откако во игра влезе во 74. минута од натпреварот.

Искусниот фудбалер не е регистриран за натпреварите во лигата на Саудиска Арабија, па така шанса ќе чека само во азиската Лига на шампиони.