Ајакс остана без Лига на шампиони, ПСВ ги спаси да не одат во Конференциска

28 мај 2023 - 17:44

Четирикратниот европски првак Ајакс нема да игра во Лигата на шампионите во новата сезона, но ПСВ Ајндховен ги спаси да не одат во Конференцииска лига, па „копјаниците“ во новата европска сезона ќе бидат дел од Лига Европа.

Откако Феенорд ја освои титулата и обезбеди директно учество во ЛШ, Ајакс кој беше полуфиналист во 2019 година имаше теоретска шанса да дојде до второ место и квалификации за елитата, но требаше да победат кај Твенте, а ПСВ да загуби кај АЗ Алкмар.

Арно ама, Ајакс се сопна уште на својот предизвик. Очајното полувреме им донесе на крај пораз со 1-3 кај Твенте, па висеа и за Лига Европа ако АЗ победеше. На крај Чави Симонс со гол во 90-та минута ги спаси од настап во третото по ранг натпреварување за победа на ПСВ со 2-1 во Алкмар и трета позиција за Ајакс.

ПСВ со второто место оди во квалификации за Лигата на шампионите, а АЗ Алкмар ќе игра во Конференциската лига на УЕФА.