Англија гостува во Хрватска, само 100 навивачи можат да ја гледаат во живо

Натпреварот ќе се одигра на „Рујевица“ во Ријека, а ограничувањето на бројот на англиски навивачи е поврзано со безбедносните мерки и претходните одлуки околу присуството на публика на овој натпревар.

Според информациите, Англиската фудбалска асоцијација успеала да обезбеди специјална квота од само 100 билети за своите навивачи. Приоритет ќе имаат оние кои имаат најголем број гостувања на натпревари на англиската репрезентација. Иако бројката е симболична во споредба со интересот што традиционално го имаат англиските навивачи за гостувањата, ова ќе им овозможи на мал број приврзаници сепак да бидат присутни на стадионот.

Интересно е што и нивниот претходен натпревар во Хрватска, во 2018 година, се одигра во специфични услови и без присуство на публика. Тогаш дуелот заврши без голови.