Алварез прави радикален потег по трансфер-сагата со Барселона

17 септември 2026 - 19:41

Аргентинскиот репрезентативец Хулијан Алварез размислува за голема промена во својот тим кој се грижи за неговата кариера, по турбулентното лето во кое неговото име беше во центарот на трансфер-сагата.

Според информациите на „Онда Серо“, аргентинскиот напаѓач за првпат сериозно размислува да ја прекине соработката со својот долгогодишен агент Фернандо Идалго.

Алварез летово беше силно поврзуван со Барселона, а се пишуваше и дека самиот фудбалер бил заинтересиран за преселба на „Камп Ноу“. Сепак, Атлетико Мадрид не дозволи трансферот да се реализира и Аргентинецот остана во Мадрид.

Наводно, веќе имало контакти со агенцијата „Елегант Гејм“, која ја основаше поранешниот аргентински репрезентативец Хавиер Пасторе.