Абрамович со години тајно финансирал клуб од Холандија

29 март 2023 - 15:43

Поранешниот сопственик на Челси, Роман Абрамович со години тајно го финансирал клубот Витесе од Холандија. Ова е заклучокот од документите кои се појавија во јавноста пред неколку дена.

Абрамович дал најмалку 117 милиони евра за преземање на клубот преку неколку компании, а Челси токму во Витесе испраќаше фудбалери на позајмица во минатото.

Иако во минатото беа спроведени две истраги, сепак тие покажаа дека Абрамович немал влијание во Витесе, но најновите документи покажуваат дека тие не биле темелни и всушност Русинот ја финансирал екипата.