Вардар победнички ги почна подготовките во Норчија

14 јуни 2026 - 12:45

Македонскиот шампион, Вардар, го одигра првиот тест меч во Норчија, Италија, каде ги одржува подготовките за новата сезона, црвено-црните го совладаа тимот на Умбрија со 2-1.

Умбрија е италијански нисколигаш, аматерска селекција на фудбалери. Составот на Вардар беше пред се од млади фудбалери зачинет и со неколку поискусни играчи.

Со голови на младите надежи Огнен Јаков и Иво Марковски во првото полувреме, Вардар водеше со 2-0. Во вториот дел гол даде и италијанскиот тим за конечни 2-1 за македонскиот тим.

Стартери за Вардар беа: Диковски - Мишковски, Најдовски, Куестас - Јевтовски, Дурански, Д. Тодоровски, Ф. Цветковски - Иво Марковски, Огнен Јаков, Данев.

Резерви: Велковски, Мурџевски, Бајрами, М. Николов, Митановски

Остатокот од фудбалерите денеска имаа слободен ден.

На тимот на Вардар во Норчија му се приклучија и петте репрезентативци кои подоцна ги почнуваат подготовките.