Струга во второто полувреме го „скрши“ Пелистер

05 април 2025 - 16:57

Екипата на Струга на свој терен  денеска славеше победа во натпреварот против Пелистер со 4-1 во рамките од 26. коло од Првата македонска фудбалска лига.

Првото полувреме донесе два погодоци кои беа постигнати на ист начин. Прво актуелниот шампион дојде до водство со голот на Кехинде во 22 минута од белата точка, но Пелистер исто така од пенал израмни само осум минути подоцна.

Клучниот момент на натпреварот веројатно се случи во завршницата од првиот дел кога Филип Бошковски заработи исклучување. Впечаток е дека судијата престрого го исклучи гостинскиот фудбалер (ТУКА), меѓутоа битолскиот состав мораше да продолжи со играч помалку.

Само што започна второто полувреме Струга ја искористи играчката предност и преку Влајковиќ дојде до гол за ново водство. Струга до крајот постигна и уште два гола за на крајот убедливи 4-1. 

Струга сега е петта и по два натпревари во кои имаше пораз и нерешено им се врати на победите, Пелистер од друга страна е седми и го забележа вториот пораз во низа.

Преостанатите натпревари од ова коло се играат утре исто така од 15:00 часот.

Брера - Вардар

Беса - Гостивар

Шкупи - Работнички

Тиквеш - Шкендија

Воска Спорт - Силекс