Шкендија доби парична казна за хаосот на мечот со Пелистер

11 март 2026 - 17:16

Дисциплинската комисија при Фудбалската федерација на Македонија (ФФМ) изрече казна за Шкендија поради хаосот на натпреварот против Пелистер во 20. коло од Првата македонска фудбалска лига.

Шкендија доби парична санкција од 5.000 евра поради лоша организација, фрлање на скалпел и други предмети, но и влез на неслужбено лице во службените простории.

„Шкендија се казнува со парична казна во висина од 5000 евра поради слаба организација, фрлање на предмети во терен, фрлање на скалпел и запалки, влегување на неслужбено лице во службени простории на  натпреварот ФК-Шкендија-ФК Пелистер во рамки на 20.  коло Прва МФЛ.

Имран Фетаи фудбалер на ФК Шкендија се казнува со забрана на настап на два натпревари.

Вебстер Роналдо Ромарио фудбалер на ФК Шкендија  се казнува со забрана на настап на еден натпревар.

Шабан Сулиман тренер на ФК Работнички се казнува со забрана за вршење на функција  на два натпревари.

Александар Васоски тренер на ФК Силекс се казнува со забрана за вршење на функција на 2 натпревари

Против ФК Вардар се покренува Дисциплинска постапка за слаба организација на натпреварот од 21 коло против ФК Шкендија

Тони Мегленски Тренер на ФК Вардар  се казнува со забрана за вршење на функција од 1 месец

Дарко Додев се казнува со забрана на настап на 1 натпревар

Против ФК Шкендија се покренува дисциплинска постапка поради слаба организација,  фрлање на запалки по завршување на натпревар“, се вели во соопштението на ФФМ.