Шампионот дефинитивно останува без првиот бомбардер: Ибраими се збогува со Струга

Преку социјалните мрежи, тој објави дека си оди од клубот, по две сезони поминати во него и две освоени шампионски титули.

„Драги љубители на спортот, би сакал да ве информирам дека со взаемен договор, ја напуштам Струга со која испишавме историја, освојувајќи две шампионски титули и со која игравме во европските купови“, напиша, меѓу другото, Ибраими кој е и најдобар стрелец во историјата на Првата македонска фудбалска лига.

Иако уште нема официјална потврда, тој најверојатно ќе се врати во тимот на Шкендија каде играше од 2015 до 2022 година.