По две години, Брегалница се враќа во Првата лига, Скопје и Шкендија ќе играат бараж

Штипјани на домашен терен ја совладаа Победа со 7-0 и ја задржаа предноста од два бода во однос на конкурентите Скопје и Шкендија Арачиново. Ова значи дека Брегалница ќе се врати во елитата по пауза од две години, откако во сезоната 2023/24 го освои последното место во Првата лига.

Скопје и Шкендија Арачиново исто така денеска остварија убедливи победи, но тие не им донесоа многу, поради триумфот на Брегалница. Скопје на домашен терен го победи Детонит со 5-1, додека арачиновци како гости ја победија Саса со 4-2. Овие две екипи преку бараж со Брера и Пелистер ќе се обидат да се изборат за пласман во Првата лига.

Од Втората лига, која идната сезона ќе се скрати и ќе брои само 12 екипи, испаѓаат Вардар Неготино, Преспа, Слога Виница, Победа и Големо Коњари, додека Кожуф, Тетекс и Каменица Саса ќе играат бараж за опстанок.

РЕЗУЛТАТИ
Брегалница - Победа 7-0
Скопје - Детонит 5-1
Каменица Саса - Шкендија А. 2-4
Новаци - Осогово 3-3
Охрид - Слога Виница 7-1
Победа - Беласица 1-3
Тетекс - Големо Коњари 7-2
Вардар Н. - Кожуф 0-5