![](https://sport1.mk/files/styles/article/public/article/2024/05/27/221379-mihailov-go-prifativ-predizvikot-da-go-vodam-vardar-koga-beshe-najteshko-uspeavme.jpg?itok=zduZuHuM)
Михаилов: Го прифатив предизвикот да го водам Вардар кога беше најтешко - успеавме!
Михалов вели дека многумина го убедувале да не седнува на клупата на Вардар поради тежината на задачата да се избори опстанок, но тој прифатил и не погрешил.
„Мисијата успешна, Вардар и следната сезона ќе игра во Прва лига. Многумина го отпишаа на полусезона, предизвикот за мене лично беше голем и покрај многубројните убедувања да не го прифаќам предизвикот, но со поддршката од мојата фамилија, за клубот од моето детство, клубот во кој растев и се оформував како личност, спортист, човек, не можев да му кажам не. Детскиот сон ми се исполни, еден ден да седнам и да го водам најголемиот клуб во Македонија и пошироко, клубот на народот во мисијата наречена опстанок. Беше тешко, неизвесно, но желбата, работата, соработката со моите соработници (Герасимовски, Терзиев, Димковски, Јовчерв, доктор Иво и чичко Бајо) беше над сѐ. Благодарност до сите играчи за максималниот професионализам, жеба и коректност, благодарност до Влатко, Мартин, Миле, Мачка, Васе, Геле и сите останати, а секако не можам да не ги спомнам и оние кои ни беа 12. играч, најдобрата настрасната и најмногубројната навивачка група Комити. Еден живот една љубов“, напиша тренерот на Вардар, Горазд Михаилов.