Македонија ЃП поразена во Прилеп, Каменица Саса ја „распарчи“ Брегалница

„Лавовите“ стигнаа до водство со голот на Ѓорѓи Дошев во 27. минута, но Победа во вториот дел го сврте мечот во своја корист со погодоците на Леонид Кофиловски и Филип Димоски.

Брегалница имаше катастрофално гостување кај Каменица Саса, која доминираше од почетокот и во првиот дел стрелаа Кристијан Таневски и Андреј Симевски. Потоа капитенот на тимот погоди и вторпат, а гостите од Штип примија и четврти гол до крајот на средбата.

Башкими ги искористи киксовите на првите две екипи на табелата, откако триумфира со 2-1 против Арсими.

Македонија ЃП е лидер со 41 бод по 18 одиграни кола, по што следи Башкими со 39, Брегалница има 37, а најдобрите три ги следат Арсими со 33 и Каменица Саса со 31 поен.

Резултати - 18. коло - Втора лига:

Каменица Саса – Брегалница 4-0
Победа – Македонија ЃП 2-1
Вардар Неготино – Скопје 2-0
Вардарски – Детонит Плачковица 1-4
Осогово – Кожув 0-0
Новаци – Борец 1-1
Башкими – Арсими 2-1