„Имаме голема предност против Ла Фиорита, но дојдовме тука за да победиме!“

16 јули 2025 - 20:16

Вардар ќе се соочи против Ла Фиорита во реваншот од првото квалификациско коло во Конференциската лига, а македонскиот прволигаш со една нога веќе е во следната рунда поради победата од 3-0 во првиот натпревар.

Данел Донгмо кажа дека имаат почит за ривалот, но и големо водство, меѓутоа и покрај тоа ќе одат на победа против Ла Фиорита.

„Победивме 3-0 првиот меч и тоа е добар капитал пред утрешниот меч. Дојдовме тука да победиме. Ги респектираме, но секако ќе одиме на победа. Атмосферата во тимот е одлична, зборуваме цело време како ќе победиме и се надевам дека ќе го оствариме тоа“, кажа Донгмо.

Реваншот меѓу Ла Фиорита и Вардар се игра в четврток од 21 часот.